រកឃើញសាកសពបុរសម្នាក់ក្នុងចំណោមបុរស២នាក់ដែលបាត់ខ្លួនពេលទៅឆក់ត្រី
31-August-2016 | ដោយ មែន កំសត់
មណ្ឌលគិរី:សាកសពបុរសម្នាក់ត្រូវបានគេរាវរកឃើញក្នុងទឹកអូរជាមួយនិងទូកព្រមទាំងសម្ភារៈឆក់ត្រីបង្ករឲ្យមានការភ្ញាក់ផ្អើលនៅចំណុចអូរច្បារស្ថិតក្នុងភូមិរយ៉ឃុំរយ៉ស្រុកកោះញែកខេត្តមណ្ឌលគិរីកាលពីរសៀលថ្ងៃ៣០សីហា២០១៦ ។
មន្ត្រីនគរបាលបានឲ្យដឹងថាកាលពីរសៀលថ្ងៃ៣០សីហាគេបានរកឃើញសាកសពបុរសម្នាក់ក្នុងទឹករួមជាមួយទូកមួយគ្រឿងដែលមានសម្ភារៈឆក់នៅលើទូកនោះផងដែរ។លោកខ្លូតសុឃាអធិការនគរបាលស្រុកកោះញែកបានឲ្យដឹងថា សមត្ថកិច្ចនិងអ្នកជំនាញបានមុជទឹក ដុតដៃដុតជើងដើររកនិងមុជរាវបុរសម្នាក់ទៀតដែលកំពុងតែបាត់ខ្លួនសង្ស័យលង់ទឹកពេលកំពុងតែនាំគ្នាមកឆក់ត្រីនៅចំណុចកើតហេតុ។
លោកអធិការនគរបាលស្រុកកោះញែកបានបន្តថាក្រោយទទួលព័ត៌មានទាក់ទិនករណីបាត់មនុស្សពីក្រុមគ្រួសាររងគ្រោះនោះមកលោកបានបញ្ជាកម្លាំងឲ្យចុះទៅស្វែងរកបុរស២នាក់ដែលបានបាត់ខ្លួនកាលពីថ្ងៃទី២៩សីហាកំឡុងពេលដែលជនរងគ្រោះនាំគ្នាទៅឆក់ត្រីនៅចំណុចអូរច្បារស្ថិតក្នុងភូមិសាស្ត្រខាងលើ។ក្រោយការររាវរករយៈពេលជាច្រើនម៉ោងក្រុមកាងារបានប្រទះឃើញសាកសពបុរសម្នាក់ក្នុងចំណោមបុរស២នាក់ដែលបាត់ខ្លួននោះ។
សមត្ថកិច្ចបញ្ជាក់ថាជនរងគ្រោះដែលបាត់ខ្លួនទាំង២នាក់ ទី១មានឈ្មោះបាយ ឡោះ អាយុ៣០ ឆ្នាំ ជាជនជាតិឡាវ ទី២ឈ្មោះគង់គីន ភេទប្រុសអាយុ៤៧ឆ្នាំជាជនជាតិខ្មែរទាំង២នាក់មានមុខរបរជាកសិកររស់នៅក្បែរកន្លែងកើតហេតុខាងលើ។បច្ចុប្បន្នសាកសពសមត្ថកិច្ចបានប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណី។ដោយឡែកបុរសម្នាក់ទៀតសង្ស័យបាត់ខ្លួនដោយលង់ទឹកជាមួយសាកសពដែលរងឃើញនោះ សមត្ថកិច្ចកំពុងតែ បន្តការស្វែងរកបន្តទៀត៕
ចំនួនអ្នកទស្សនា
- ថ្ងៃនេះ13951
- ម្សិលមិញ11441
- សប្តាហ៍នេះ43781
- ខែនេះ158931
- ឆ្នាំនេះ158931
- សរុប20601387